兩個月前,8月尾,人地約左我去打籃球
之後我做晒功課,又得閒,我就去打
付後打打下個陣,有人話同我地鬥波(籃球比賽)
我Dfd話ok,咁我又冇所謂,就一齊打啦
打打下,有人傳個波黎比我,由於個波就黎出界
我想去救個波,所以跑啦,點知當我拎到個波個陣,
我膝頭下面撞到個石頭,(角位,好似石級咁)
我覺得有少少痛,但諗冇咩野,
之後我望下啦,先知道勁大個傷口同係咁流血><
之後我又拎左紙巾去止血,再打電話叫左我呀媽
坐taxi睇急症室,我呀媽話個傷口好似隻眼咁大,
見到有少少白色既野,(應該唔係骨既),
等左勁耐,先有人幫我睇,再同我照X光,
報告話我有少少骨折,仲要縫針(ON MY GOD)
第一次要咁做,O晒咀,話可能要我留院,話咩又骨折,又
要縫針,要做左其中一樣先(我唔記得),
之後佢又話個唔知咩骨科醫生話見我都行到路先比我返屋企,
我問個醫生係咪就咁走得?佢話縫埋針先....
之後有個護士黎,佢用個d藥水整左d棉花球(應該係消毒藥水)
係咁整我個傷口,唔知點解我唔覺痛-0-
之後佢話要打局部麻醉針(ON MY GOD)
過程好恐怖,見佢用個鉗整彎個針頭,之後插落我個傷口,
個時痛到我出唔到聲,打完之後佢又用返d藥水整左d棉花球
再整我傷口,佢再用好似魚鉤咁既針加埋d線幫我縫
佢桔落去個下都幾痛,縫完之後佢再用一d好大張既膠貼貼我既傷口
之後我同我呀媽坐TAXI返屋企......
冇幾耐返學,上體育堂,(冇可能咁快好)
成班同學話我扮野-.-話我扮野唔上體育堂
因為體育堂要跑1100米,所以佢地係咁話我=.=
最後過多一個月我先上返,個傷口拆左線,
到而家我唔知而家好左未,應該都7788架啦
大家又有冇呢d經歷呢?
