從前有三個人去沙漠探險, 一個係美國人, 一個係法國人, 一個人中國人. 佢地盪失左路, 糧水皆盡, 就o係佢地臨死之際, 有個神仙下凡.
神仙: 我見同你地有緣, 而家比你地每人三個願望.
眾人: 謝神恩典
神仙: 邊個先?
美國人一向要認第一, 所以搶住講.
美國人: 我!我! 我第一個願望係要一個惹火女郎.
一道光從天射落黎, 並降下一個女人.
美國人: 第二個願望係要一間大屋, 第三個願望係同個靚女一齊即刻番去.
神仙: 冇問題.
一閃, 個美國人就同埋個惹火女郎閃左番美國.
法國人: 跟住到我! 我要一架跑車, 一個釀酒場同埋即刻番法國.
又一閃, 個法國人就閃走左喇.
神仙: 中國人你又點?
中國人: 我要一支矛台.
一支矛台從天而降.
神仙: 仲有呢?
中國人: 我要多一支煙.
一支煙從天而降.
神仙: 最後一個願望呢?
中國人: umm...... 好悶呀, 叫番佢兩個番黎啦!
一道強光下, 美國人同法國人又閃番番黎, 神仙亦慢慢消失.......
烈日當空, 三個人又再徘徊死亡邊緣. 神仙又再出現.
神仙: 上天有好生之德, 我再比你地每人三個願望.
眾人: 謝神恩典
神仙: 邊個先?
美國人同法國人為防再比中國人玩, 一致決定中國人先.
神仙: 中國人, 錦你想要乜?
中國人: 我要一支矛台.
一支矛台從天而降.
神仙: 仲有呢?
中國人: 我要一支煙.
一支煙從天而降.
神仙: 最後一個願望呢?
中國人: 禁煩架, 冇野喇你走啦.
就係錦, 神仙又再一次消失...
