西施?
有一日,我同兩個同學去食飯
咁其中一個就買左"西施海鮮炒飯"(大約係咁)
跟住食食下
佢係度問:「點解呢個野叫做西施海鮮炒飯既?關西施咩事?」
之後同一時間,我同另一個同學答:
「因為入面有西施狗...」
「因為係用西施電飯煲整...」
「呀!好爛呀....」跟住三個人爆笑ing...=_=
小息
話說我地上完班主任堂
班主任走埋左一角
數學老師睇唔到就入左尼
跟住入到尼...見到班主任
就好搞笑咁話「唔好意思,唔好意思」
班主任又同佢幾熟
跟住又同佢鬥「唔好意思」
班主任就同個同學講「我小息再尼搵你」
跟住數學老師係度講「好好好...我小息再尼」就走左出去
全班爆笑....
等到老師入番尼都仲笑緊-_-
酶既功用...
今日上bio堂
老師教到有d洗衣粉入面加左酶
可以洗左d蛋白質同脂肪
佢係度扯到好遠,扮到好好笑咁話:
「嗱,你地知唔知d silk,啫係絲做既布呢,係由蛋白質做架喎
如果你用呢隻洗衣粉洗既話,洗完就會得番幾粒樓架喇....」
之後佢笑笑口咁望住我地....
dead左幾秒......
全班激笑,「呀!好爛呀」
又講講下,講到d鬆肉粉入面有d木瓜酶
可以整鬆d肉
佢就話...「所以呢,大家唔好食咁多生木瓜呀,唔係你個口就會鬆哂架喇...
或者你拎尼食既時候掂到少少,你隻手就得番排骨架喇....」
之後佢又笑笑口咁望住我地...
又dead左幾秒
話者佢希望我地笑
跟住有幾個同學帶起
全班一齊假笑.....=_=
[ 此貼被牙然在2006-09-29 21:39重新編輯 ]