(轉)最堅,世界上有鬼3
全陰命o既人,係容易撞野d,
親身經歷,
小弟結婚,
返祖屋拜祖先,
小時候,經常返祖屋探親友及住,
但知道有嗰味嘢後,就好少返去,費事啦,
嗰次同老婆返去,一入大門口,望入去第一間房,
見到o既所有物件都係彎o既,
好記得,間房係開住光管,靈靈舍舍見到一對...
成人size,少少綠色,少少紅色,多多透明o既一男一女,
點形容好呢,就好似細路仔玩嗰d番揀抱一樣,透明而有d色彩咁,
男嗰隻叠住女嗰隻,郁郁吓,好似攪o緊嘢咁,
明明我直望入去,又有種無形o既力量迫使我側面望去走廊,
明明我想企喺到望清楚d,甚至想行入房,
又神推鬼恐咁迫我向前行入大廳,
唔比我望咁, 都好驚下,
嗰日一祭完祖,就滾水綠腳咁走人,
離開無耐,和老婆不約而同地話見到相同o既嘢,
你都米話唔邪
這間祖屋,有段古,
曾其何時,被高人揭發,祖屋在買下之前,(即空置期間)
已經有10隻以上o既鬼入住,即未有人入住前,就先有鬼住,
間屋鬼仲多過人,
親人入住後,發生過無數咁多離奇怪事,
如夜晚上床訓覺,第二朝就訓咗喺浴江,或者係訓咗喺地上,
經常耳邊聽到有人同你講野,但係根本就無人喺到噃,
但都未算堅,
我o依d全陰命o既人,
小時候放暑假返去住,
唔係發燒燒到104度,
就係撞穿頭,流血流到爸爸聲嗰隻,
有一次...
十o靚歲時,同表弟喺大廳到玩枕頭互o掟,
我唔小心o掟中咗盞吊燈o既玻璃燈罩,
個燈罩正正就喺表弟個頭殼頂上面,跌o緊落嚟,
千鈞一髮,表弟就好似被人抱起一樣,
由大廳正中心,一飛飛到5米以外o既梳化上,
玻璃罩在地上碎哂,仲淺到周圍都係,
我隻手指仲比飛淺o既玻璃碎割損,爆哂缸,
但係表弟乜事都無,
最奇o既係,我表弟孱仔一名,體育運動九流,
當時仲係小學生添,
你話無嗰味嘢救佢,
佢入硬廠,
無間屋裏面o既好心鬼救佢,我就大劑,必成千古罪人!
全部真人真事,問你怕未,
好肯定,世界上有鬼
