要入殯儀呢行唔難，但呢行強調既；並唔係你有冇膽或驚唔驚！的確；死人化妝呢行薪金非常可觀；如一個學徒佢既起薪點亦已經有$23000.......
『遺體化妝師』亦無年齡、經驗限制。
係咪好吸引？..........則見人見致吧！不過你需要具備特別"條件"至能夠勝任。而所為"條件"即係你本身五行各方面有否足夠正氣和殺氣。
至於師傅從何得知你有否"條件"？師傅自會有一種"另類應徵"方法作為準則。各位有意"應徵"的話，請考慮清楚.....
首先師傅會安排你坐於一個靈枕室(停屍間)，而停屍間裡當然會有一位好企理既“咸魚"等緊你。停屍間內好細,房內祇有你、亡者、一盞油燈、一張櫈和一部冷氣。其它欠奉！
師傅會安排三日時間俾你！呢三日你祗需坐響呢間房；坐既時間係每日由黃昏約6:30至凌晨12:30不等！
於停屍間；你基本上係乜都唔需要做，師傅純粹要你齋坐響度對住亡者數小時！其間可自由出入，但絕不能做出任何對亡者不敬之事，例如；聽歌、看書、睡覺、傾電話、打遊戲機、吃東西....等等。
而期間師傅祇會間中入去查看你(你唔好期望師傅會企響度同閒談)。
師傅藉此考驗你定力同忍耐力。就係咁....你要連續"齋坐三日"。
至於師傅是否錄用你就好睇你往後一星期。至於點解？原因大部份人"坐完三日"後往的七日都會有不同"反應"，而呢七日期間師傅會跟你通電"觀察"你情況。
何謂"反應"？何謂"觀察"？
因大部份人都會出現無故嘔吐、發燒、有惡夢、暈眩或大病等等無法解釋症狀。
故此；師傅都定必需要知道你"過後反應"，師傅以此作為你是否具備"錄用條件"。
當你"坐三日"後有以上任何一種"反應"；均表示你陽不足、正氣低、殺氣少，受唔起陰氣及靈氣磁場。故此即使你再有"膽大包天 "都是徒然！
因"過後反應"正正代表你生辰八字、五行能否承受過多陰氣及靈氣磁場。這點跟"睇相"並無關係。若"坐三日"都依然平靜安穩，則代表能勝任殯儀化妝行業。
當正式被師傅收為徒後；基本上並無特別儀式或要求，衹需謹記師傅所提及既行規及禁忌便可。而由學徒做起到升任至資深化妝；為期至少需三至五年不等。
起初師傅會將一般由醫院病逝而又完整無缺之屍體；響你面前"打理一番"；期間師傅會邊做邊講解，之餘亦會同先人傾偈，起初係行行企企、拾下手尾！
睇師傅工作程序，記化妝品用途種類、次序....通常師傅俾你睇得有七、八 件“咸魚”後，大約第十件至會俾你替亡者裝身。
然而；你起初既"對象"都係企企理理、冇穿冇爛(即醫院病死者)較為“Easy-Job”！
而其他"大制作"則會由師傅"表演"....
(大制作= 死於跳海、跳樓、火燒、甩皮甩骨冇忽好........)
有新人(死者)到首先要打針(防腐劑)；然後入櫃( 雪櫃 )。通常先人會於起程(出殯)前兩日移至另一凍房解凍。
替亡者沖涼、化妝、穿壽衣.....其實最重要一環係按家屬意思去辦。開始裝身前，化妝師需向亡者自我介紹，並交代及講解裝身程序和步骤。
替亡者沖涼後，先將大量浸滿漂白水之綿球；搗塞於人體每一個有孔位置！(防血水倒流)
穿壽衣；必需要由腳開始著上去，即襪、鞋、褲/裙、上衣........如此類推。先人壽衣由下而上穿上乃取其寓意先人會升上天免落地獄！
先人化妝品、用品、配件...通通定必為頂級品牌！例如；"Maxfactor"、"露華濃"...."資生堂"...."SK-II"....."Chanel".....等等。用"靚野"原因係基於特別 上妝、持久、減低屍班色。亦作為對死者一種尊重吧！
