某日在高登睇到其一個POST有感而發
冇條件既你係咪已經接受現實唔再媾女?
靚仔又唔夠人靚仔
高又唔夠人高
型又唔夠人型
有錢又唔夠人有錢
口才無其他人咁好
唔好話識d 街外既女仔, 就連同學我都唔夠膽識..
我屋企唔係有錢, 我不嬲都好少出街
人地話去邊度邊度玩, 去邊度打機, 邊度食野正.. 我一定搭唔到嘴.
比著你係條女.. 你都寧願要個帶到娛樂既人比你, 一個識飲識食, 帶到你周圍去既人啦,
唔通要個行街食飯都要因住支出既男仔
我係唔識社交, 我無吸引人既條件, 我不嬲都少朋友, 我朋友都知我咩事...唔會叫我同佢地一齊出街
你唔怕比人笑, 條女都怕比人笑佢 跟著條獨家村啦,
我唔敢話香港女仔要求高, 因為我一開始已經係低於正常線,
自問窮短矮柒毒
有邊個女仔唔想識個條件好/比到幸福自己既男朋友?