唔知大家平時行開銅鑼灣間Sogo, 有冇留意到Sogo既七樓同九樓之間係冇八樓既呢?
除左lift係唔會停八樓之外, 如果你搭電梯既話, o係七樓上九樓其間, 會經過一層所謂既"八樓", o個層八樓只有百幾二百呎既面積容納另一條電梯往九樓, 呢層既其他地方完全密封, 用兩塊大鏡隔開. 每次經過呢個"八樓", 大家只會見到鏡中既自己...
但係點解好地地會冇左個八樓既呢?
Sogo員工一直都有談論, 而且大家都知道呢個"八樓"好邪釘
話說起初SOGO淨係用得著七層, 所以八樓用九樓都係空既, 但係後來需求擴大, SOGO決定用埋八樓擺寢室用品既野, 但係點知搬晒D野上去之後, 第二日所有貨品都會移晒位, 亂晒, 仲有有時D保安夜晚搭LIFT, 無論按幾多層, D LIFT係唔係都會開八樓, 一路維持左一個禮拜都係咁, 大家都心知不妙, 所以SOGO高層都搵左大師黎睇睇, 大師睇到八樓根本成層都有冤魂侵佔左, 由於數目太多, 冇辦法趕走, 亦都怕觸怒佢地, 會引起好可怕既後果, 所以大師建議將成層八樓搵野封住, 加兩塊大鏡"鎮"住佢地唔好攪其他層數, SOGO高層惟有咁做.
所以八樓就一路都冇用到喇...大家下次行開不妨睇下傳說中既"SOGO八樓"...
