| albertyuen |
2011-08-29 21:39 |
被困的小孩
昨天假期, 就一大班舊同學返深圳按摩食飯, 其中我個高人朋友都去啦, 係按摩休息其間, 來來去去話題都係關於靈界. 我就唔係好想講, 怕比人以為我地危言殉聽, 更加以為我地吹水唔抹咀. 不過我個高人朋友同我地講左一個故仔, 聽落去令我有反思.
我個高人朋友佢老哥係做冷氣安裝及維修生意, 話說有次佢接左一單生意, 係南灣附近幫一家人設計及安裝冷氣系統, 住得南灣, 當然要求唔同. 佢會根據戶主要求, 以提供最好方案.
話說要去睇位, 而去到個間屋個陣, 感覺好奇怪, 係個路口, 放左一對開左光石獅子, 而鐵閘附近擺左一個好奇怪風水陣, 唔通呢度有野?
當入到屋內, 個戶主係一對外藉人仕, 聽戶主講, 佢剛剛從代理買入這間獨立屋, 佢話上手所有裝修都好新, 唔駛番新就住得, 不過冷氣系統就舊左, 想從新安裝(外國人就有環保意識, 認為用得就不會掉, 不會學現在香港人, 乜都要新, 乜都要豪) 當報價及講明細節后, 過三兩星期就開工, 預算六日左右就完工. 而對外藉人仕就臨時搬去酒店住.
但係有個問題係佢心中, 點解上手業主放一個咁既風水陣係呢間屋, 睇個陣又唔係催財運個隻, 又其對石獅子, 個方向都有問題, 唔係對出面以對入屋? 這兩個問題擺左係心中一陣, 好快就唔再理啦, 世間事, 千奇百怪, 理得幾多呀.
到真正開工, 係天台準備更換冷氣系統個陣, 就發生奇怪事, 事源佢係天台準備拆部舊機落地下, 而當時天氣唔係好好, 我高人朋友係天台望落鐵閘個位置個, 佢見到一個6~7歲大細路仔想出去. 但係個細路仔去到鐵閘時就停係到, 另外個兩隻石獅子好似隻狗係咁叫. 係咁既情形, 我高人朋友就知到個陣係用來困住個小孩, 但係點解要咁做呢? 唔同一間屋內有鬼會令人地發達? 或者其他原因要困住佢?
到當日收工個陣, 佢老哥就行出去, 佢就見到個細路仔跟住佢, 但係一過鐵閘, 個細路仔又停左係到, 佢老哥擰番傳頭望下佢, 見佢係咁喊. 當時佢真係想問下個細路仔點解係到喊, 但係好多工人係到唔多方便, 因為正常人見到佢對住空氣講野, 唔嚇死都話佢神經病.
到第二日再開工, 佢老哥就心不在焉, 只係到諗昨日見到情形, 不過佢係老闆, 都無乜所謂啦. 到收工, 佢就叫班工人走先, 等左半個鐘頭天都黑晒佢先走, 當佢走出去個, 個小孩又跟住佢, 佢就問個細路仔: 你做咩唔出去? 個細路仔就指住個鐵閘及石獅子, 然後又停係個鐵閘係到喊…佢老哥就唔理佢就走, 因為有師父擺咁既陣, 當然係有佢理由, 都係唔好咁多事理人野啦
當佢走出路口, 準備攞車走個陣, 佢係路口見到一男一女企係到, 唔駛講當然唔係人啦, 而個對男女用好誠懇眼神望住佢, 想佢幫下佢. 但佢老哥就無謂去惹事, 就開車返去. 到夜晚返到去食飯個陣, 佢望住老婆加個女個陣, 心諗, 個對男女會不會係個細路仔父母? 係人間都有親情, 可況係鬼..
個晚同老婆講番佢見到情況, 佢老婆就話叫佢幫下佢地, 等佢地一家團聚, 可以轉世投胎.. 但係有樣野佢好唔明白, 點解要困住個細路仔係間屋度呢? 因為一唔小心, 放錯左隻惡鬼出去, 會不會有后違症?
如事者, 差唔多每日收工都見到咁既情形, 去到工程完前一晚, 佢老哥就走去鐵閘個度, 用塊紅布將個陣遮住, 個塊紅布當然唔係普通布啦. 然后個細路仔就可以過到度閘, 到差不多到石獅子照辦照碗. 等個細路仔可以經過. 到出到路口, 見個細路仔就跑去個對男女度. 而佢見到個對男女攬住個細路仔係到喊. 到佢老哥行埋去個陣, 見都佢地三個向佢恭躬就消失左. 我地聽完, 就問佢老哥跟住點啦, 佢老哥就用一個笑容來回答我地.
后話: 我聽完佢講, 比著我都會做, 但我有個疑問, 係唔係所有鬼魂都係一定有惡意呢, 可能人與鬼從古代開始就不兩立, 所以有些人一遇到, 不問情由, 就搵師父幫手. 既然遇到, 必有因果. 或者無你地想像中咁可怕呢.
|
|