woodyssjzx |
2012-01-08 23:40 |
看完後, 你們還會去銅鑼灣世貿六樓nwp麼?
大家好,我係萬年潛水既老(?)會員. 識我既人應該唔多. 不過咁, 都希望大家可以抽幾分鐘時間去睇下以下所有野, 全部係我本人既親身經歷. 歡迎直接copy share去fb. 原因係除左我以外,我唔想有更多既受害者,包括ibbs既朋友們.
銅鑼灣世貿NWP. 場務既舉指同態度極差呢樣野唔洗我講,係香港都數一數二. 我入左機舖唔多唔少都三年幾, 真係頭一見到咁既事發生. 仲要波及到我. 真係好無奈. 以下既經過 , 想睇就睇,想花生就花生. 我冇咩心情去理得咁多. 五點去到世貿NWP, 風平浪靜. 行上部機度 , 入錢 冷氣直吹呢個問題講左半個月都仲未搞到. 個幾月前部機Lag機,講左N次冇人搞。 到最後真係要我打電話去代理,代理先知部野出左問題。 (意味住班仆街Staff一直冇上報)(同代理講完過一日就搞掂) 不過搞掂左之後又黎一個問題,冷氣開行曬直吹住部機。 由唔同人同Staff講左好多次都唔搞. 唔搞都算 ,唉 , 照玩. 到六點半. 個陣到我入錢. 我朋友就坐係格離睇. 諗都冇諗過咁都會出事. 一個後生既場務(A)拍一拍我朋友. 第一句就話 : "起身,呢度唔比人坐" (你冇睇錯,我一隻字都冇打錯,係話唔比坐) 個陣我都呆左一呆, 之後我朋友講 : 朋友 : 坐左喎,都唔比? 場務A : 係,呢度唔比人坐. 之後佢地就開始嘈. 最後兩邊都講曬粗口. 我同身邊啲人完全呆曬, 心諗你老闆少少地廿幾蚊請你番黎 , 比你爆粗罵客? 之後我都唔理了, 反正入左錢就繼續玩落去希望佢地快啲嘈完. 結果條場務A冇啦啦熄機. (注意,由一開波到而家我係一句野都冇講過). 冇錯,係熄機. 我個陣時真係想爆句 : 關我撚事呀 ? 最後冇講到,因為我知道愈嘈只係愈麻煩. 見佢都二字頭. 應該都識用下腦轉下掛. 結果我選擇心平氣和慢慢講. (而家其實幾後悔作呢個決定.應該屌左先算) 我 : 喂,關我乜事先 ? 場務A : (唔出聲) 我 : 你熄機還熄機, 比個原因黎都得掛 ? 場務A : 唔歡迎你黎呀,走啦 (指住我) (之後黎左個又係後生既場務B) 我 : 乜事唔歡迎我先? 我得罪左你啲乜, 入錢打機左喎? 你乜事 ? 場務A : 你個Friend搞事呀 我 : 咁又關我乜事? 佢嘈你, 我打機, 你冇啦啦做乜搞我 ? 我 : 大佬,你熄還熄明知我入左錢你要熄係咪應該通知聲先? 場務A : (唔出聲) 場務B : 總知就係唔歡迎你,走啦 我 : 大佬講下道理得唔得?原因呢?因乜事冇啦啦要我走先? 場務B : (唔出聲)(應該係作緊籍口) 朋友 : 而家係我同佢嘈喎,關我朋友咩事先? 場務B : 因為佢掉垃圾,部機貼住左架啦。 我 : 下?我掉垃圾? 喂我邊有?幾時先? 場務B : 尋日,係我見到你留低垃圾之後掉走既。 我 : 係我留低垃圾既話,咩垃圾先?我冇啦啦有咩垃圾可以留低。 場務B : 部攝錄機有拍到架。(問非所答) 我 : 而家我問你係咩垃圾呀!(開始燥,我最唔鍾意比人屈) 場務B : 你自己留低咩垃圾你自己知. (答左同冇答有咩分別) 我 : 攝錄機拍到呀嘛?好呀,一齊睇番部機囉 場務B : (又唔出聲) 朋友 : 又話人地留低垃圾,連留低乜垃圾都講唔出。 場務A : 你地仲講乜,走啦。 場務B : 拎啲幣換番啲錢走啦. 唔歡迎你地呀. 我 : 你而家連做乜冇啦啦熄我機都未交代清楚喎。走?好,走囉, 講黎講去都唔用腦諗下自己講乜,罵客喎咩態度?on9. 其實仲有句 " 係咪想比人打 " 呢句野我唔記得邊個講, 雖然唔係同我講,但呢句野真係唔應該出自一個服務行業既人既口中。 一間機舖除左機台,環境,Staff既質數都好重要。 眼見大門口貼住招聘Staff既條件其中一樣係 "態度良好,熱誠同笑容" 諗番起真係笑爆嘴。我去左nwp兩年幾三年, 呢幾點好似真係未見過。 其實做一個Staff,最基本最基本唔好話做唔做到野。 Staff既態度真係可以代表一間公司。 就連最基本既控制自己同客人既情緒呢點都唔識。 同客人理論個陣第二句就開始爆粗係咩招黎。 我真係唔知佢係nwp做左三年以上場務既工作經驗有乜鳩用。 講番件事,我發覺自己就好似日俄戰爭時既中國。 個場務同我朋友嘈交,中招既係我。 真係好無奈。 唔係nwp個場平少少我真係跳樓都唔去nwp. 而家又比多左個機會我走場。 唉,好好地去打機,估唔到都會發生咁多事出黎。
|
|