今日我去圖書館睇書,
有個師奶教緊佢個女做功課, 不時細聲講野
兩母女做做下功課, 突然坐佢地後面既伯伯A就同個師奶講,
伯伯A: 你地唔好嘈得唔得呀??
師奶望下伯伯, 轉返身繼續做功課.
兩母女繼續細聲講野.
隔左幾分鐘, 另一位伯伯, 伯伯B大聲同師奶講,
伯伯B: 你地唔好嘈得唔得姐? 你識唔識字架? 果度個牌寫住"安靜"!!!
師奶細聲回答: 你做咩咁惡鬧我呀?
伯伯C又出黎鬧埋一份,
伯伯C: 你地唔好留係度, 同我出去! 同我出去!
師奶細聲回答: 依家係邊個大聲呀?
師奶即時叫管理員黎, 伯伯B又繼續
伯伯B: 你識唔識做人呀媽架? 係圖書館講野, 真係教壞細佬
師奶大聲回答: 你做咩咁大聲鬧人呀? 依家你仲大聲wo.
管理員用極細聲講: 你地唔好嘈喇, 一人少句啦.
管理員拉開師奶同個小朋友.
D伯伯繼續鬧繼續鬧
冇啦啦有個伯伯話: 就係E D 人搞到香港咁多罪惡.
我心唸, 關香港同罪惡咩事-_-
管理員拉兩母女去兒童既閱讀閣就平息左件事
其實我覺得個師奶講野都唔大聲,
D伯伯做咩咁嬲去鬧人呢
係咪真係有少少聲就睇唔到書呢?
大家一齊討論下,
係伯伯錯, 定係師奶錯.
我就認為伯伯錯