引用第168樓牙乂達於2011-07-19 00:45發表的 :
算吧啦
你唔cut,仲有第二個,第三個
只要有圖片源頭
就一定cut到
所以,責任不在你身,在圖片源頭(越一身上嗎?)未必
其實,我咁耐以黎都唔鋸高登班友好耐
日日係到恥笑人,乜真係咁好笑咩?
搞埋d高登神獸卡,你食飽飯無野做,係到做廢青?
無野搞你就讀下書,搵野做,打機都好過你咁樣啦
試問,我有FD都賴左野,比人擺左上高登
講佢既行為同佢個樣
講真,佢行為係比唔識佢既人有一種扮野感覺,但其實,我知佢唔係班友諗既個D人
另外,又話佢個樣似阿伯,其實,佢因為某D問題先會搞到當日咁樣
真係班友好鬼膠,都唔明點解仲要有高登既存在
不過都要回覆下主題....恭喜小學斬獲得冠軍....可惜換來悲慘的遭遇(都唔明,贏左個遊戲冠軍都要恥笑?有咩笑點?完全不能理解)
首先cut唔cut圖並唔係重點,我唔直接答你,用例子說明,我一見到佢個樣我都想笑
其二,你同facebk既mk係冇分別,一黎就講"高登班友",基本上就好似黑社會咁款,講唔掂數就話出黎隻秋,其實,高登會員係有十幾萬。btw,成日串高登仔會唔會型d?我成日見d白痴仔一係就扮高登仔,一係就串高登仔,搏上位定點?
再者,你已經顯示自己對高登既認識係未夠深入,話日日恥笑只係你自己第一眼印象,高登係不乏高質post,例如硬件,手機台等等,甚至政治觀點都係不錯。
高登神獸卡只係之前有條垃圾借高登個朵黎賺錢(印果d所謂卡去賣),後期已經俾人小到化。上面講過證明你睇野係唔夠深入同全面。
講真,無論被恥笑對象係邊個都無所謂,唔會話係你識就可憐d,高登仔就賤d。如果我宜家放個極具自信又樣衰既人上黎,你地都係站在道德高地上大聲講大聲笑。
唔好一味賴哂恥笑人果d人,被恥笑者點解會俾人放上網笑先?冇可能會係現實生活中完全冇問題,空穴來風未必無因。而且當你好開心地恥笑緊一個人既時候,你會唔會理佢係死左老豆老母先咁樣衰定咩問題?俾我都笑左先啦。(我意思係係人見到都笑果d)
最後,我都覺得你好鬼膠,都唔明點解仲要有你既存在。眾人觀點不同,你呢句簡直係廢話。
(P.S. 你唔知第幾句果個"試問"唔係咁用架,都叫你讀多D書。)
