由於同LFO無關...所以係度開post...但接下來為左避免打到粗口所以會用符號作代號
話說小弟尋日下午聯同fd去排隊....黎既時間係同上年一遠...但條龍同上年差好遠。話說上年我地係排頭200幾人內，
今年同上年時間一樣黎但已經排到800-900內，咁已經算好排到天橋打風唔駛怕
之後排左幾個鐘到係我地前面30-40個人係買同一樣野...但無留意係買咩(不是U1)，無啦啦有個扮代表個名好似叫
陳華既X頭，串XX咁話去搵警察，因為佢收到風排頭位果600人排左入去會場裡面，之後等左一排佢返黎又好大聲
扮代表咁講：『拿！各位，頭先我問過D警察，佢地話因為落雨先比頭600人入裡面排，果班警察我真係想X佢，不過大家
稍安無燥，我地買到想買既野機會有九成。』其實果時我同個fd都覺呢條友onX，跟住又隔左一排條友又發顛，又話想爭取
入會場係度大聲問博唔博....真係聽到佢咁講都想笑，之後因為咁佢就成日都久唔久發下神經(係除左佢訓覺果時)，唔係我地
果邊真係比佢係咁狗吠嘈到拆天，之後到左今日.....條友又不停咁X警察呢樣果樣，又話有40人打尖，一路狂講粗口，但全部都
係等警察行過之後先講，跟全又扮代表咁呼籲成班人又乜又盛，企喺我隔離D人都忍唔住笑佢，佢自己一路大聲嗌扮大佬叫我
地成班人：『衝呀！』
跟住無耐去到上斜路果度(即係show D飛比D人睇果度)，笑料隨即發生，在場工作人員叫我地攞D飛出黎比佢地睇先入得，
點知果個陳華哥連同佢地30-40人全部都無飛，工作人員就唔比佢地入，點友onX到仲話：『我係vip！邊駛要飛架』
其實我果時心諗：『既然排得通宵就一定買左飛啦！估唔到真係有人咁onX無買飛！咁佢排得咁辛苦做乜﹖』
最搞笑之後佢地果班人就係因為咁而比我地後面果一班有飛既人過哂佢地頭，之後我隔離果D人都係咁笑佢onX！無耐入到會展
坐係度排隊其間，以扮代表果個叫陳華既人為首既果班人，終於買齊飛入會展排隊，當然少不免條友又開始發顛！
佢超大聲比所有人聽到佢講野話：『呢個乜鬼野大會黎架！有成過百人打尖呀！我地守規舉有乜用呀！大會都唔守規舉既！』
我心諗：『你都onX！自己onX無買飛比D有買飛既過哂你又話人打尖！真係想買野買到上哂腦！』
跟住佢都未死心，
又係度話：『我想自焚呀！』
之後不停將D說話重覆N次都無人理佢，只係得佢係度大聲狗吠，最後開始走前去入場我地先聽唔到
佢把聲！
由於果時電話無乜電，唔係真係想影得佢放上youtube
[ 龍翼87在2011-07-29 23:23重新編輯此帖 ]
