其實可以睇得出LFO故事由迪倫篇後半開始舖排 + 埋梗好左好多
亦出現左少少冇期待過LFO故事會出現既精彩
以下係我有留意到,但唔知編劇有冇諗住埋尾/純粹係美麗誤會既地方
1. 守護神計劃
等大家溫故知新下,「守護神計劃」其實係千萬年前既尊者祝融同共工...(後略
仲係冇印象既人,可以去睇下炎冰戰神的誕生,亦即係真天魔第一次出現嗰個任務
其實尼個只係一個老梗到冇得再老梗既故事,古代人傳力量俾現代人
但當中出現左一個幾令人在意既名,就係祝融同共工....所提及到既伏羲
大家不妨google下,伏羲其實係一個同女禍齊名既人
以新編劇咁鍾意係細微位留伏筆既作風(依我觀察,作劇情既人應該有換過)
大把名可以用,點解要偏偏拎伏羲尼個同女禍有關係既人黎用呢?
加上伏羲尼個人由頭到尾都冇正式出現過,更加令人有幻想
2. 超界力量
雖然好似唔係太關事,不過大家不妨回想下超級元力既出現方法
主要就係要經歷生死關頭,又或者由外界給予刺激黎激發出黎
而超界力量好明顯已經存在左好多年,同時亦都證實左可以經由學習黎獲得
但點解又偏偏一直只係得摩摩星人先識用?(唔計惱嗰堆暗黑戰神)
可能性只得兩個,有人刻意隱瞞,又或者好似超級元力咁,冇普及歸因於學習條件太困難
現階段黎講兩種可能都有機會,所以都係留待編劇解話啦
不得不提既,就係伏羲所做既「守護神計劃」
故事入面講到祝融同共工將自己既思念透過元力儲放係物品入面
一提到思念就好自然令人將佢同超界力量掛勾
何況女禍當年係親身見識過超界力量既威力
亦可以推測到同女禍同期既尊者伏羲有可能會埋首於研究點樣用超界力量
而守...(下略)就係當中既成品
換句話講,主角群學識超界力量既契機
其中一個可能性就係搵到伏羲既研究
學識左之後當然就係搵電波整死你班on...啊唔係,係去殺死惱先岩
3. 真天魔
雖然現時冰火尊者兩個人係地球打緊醬油,但既然編劇咁有心令佢最少可以打得出50發
相信都唔會一直要佢運吉
上面都提過,元武會可能有方法學到超界力量
故事強調過真天魔既力量係形同神一樣,
雖則話目前「尼布拿(nebula)」既最大呼聲係迪雲X星奇
但既然編劇咁有心安排冰火雙尊既戲份,即使佢日後搞個終極真天魔=尼布拿我都可以接受
何況就算冇機會問鼎最強合體戰神,相信戲份亦唔會少
(私心希望係真天魔 vs 人皇...當然前提係真天魔以為識超界力量)
4. 人皇
古代兩大最強人類所組成既合體戰神,今日居然仲存在於世上,並且屈身於惱之下,可能性唔多
不外乎惱將人皇復活,又或者亞空間入面既一日其實等於外界既一萬年
前者睇似合理,但留意返個故事,雖然惱有叫過人皇做「助手」
然而睇埋一直以黎既對話,惱同人皇既地位更加似係平起平坐
實在有點難令人聯想到人皇居然係惱隻馬仔
後者相對地比較講得通,但就解釋唔到點解當時惱唔將黃帝同蚩尤殺而快之
其實我心入面係有一個猜想既答案,不過就暫時唔講住
5. 龍神
話就話星奇俱有終極守神 + 哈邦 + 索特既力量同智慧
但睇形勢佢應該唔可以單人匹馬殺到去惱面前,大概係止步於四聖王都出哂場之後
反而令人有興趣既係,如果現時既人皇係真身,並非惱具現化出黎既話
相信奇奇同蚩尤之間應該會有認父情節
====================================================================================
打到後段發覺有唔少位都係自High緊
不過旨在討論下,大家有咩諗法可以講下
