好記得當年係ok便利店1.0豪華版
果陣得閒仲會買$20隻 online game碟隻隻裝來玩下
因為玩過LF2,好記得個隻大大隻金甲人
咁見到出左online版,咁就開始玩...
但係之後停左無玩,過左一兩年後到先真真正正玩
重玩之後開左新ac
星仔玩學校,細過真係打左好耐先過到
記得解鎖體育館果陣,真係超開心
(頭三關故事真係虐待小朋友,就算呢家用200LV,都可能都成10分鐘先過到
如果10-20lv去打,跑兩下又無氣,真係一關學校都打你成粒鐘,仲可能唔包過
體育館打到你唔想打都仲得,都唔明點解得個星仔都玩到落去)
到買左遊戲包,解左任務
生日快樂璇瓏+大地之劍
真真正正新手時期
最初連裝備都無,因為地下既裝都無用
成日MP都唔夠用...
果陣拎往把大地之劍,得閒出到一兩招招式就好開心
地下既百事,可樂都一定唔會放過,整隻狗整爆左仲會好憤怒...
唔知係唔係我既問題,我以前玩,爆故事永遠無人入
當我真係去到40-50級先會有人入我房
到全勢時期,好記得果陣要爆房入研究所
次次打一隻怪,成七條友沖上來吸經...
仲記得陣陣日日上官網
睇蕃薯集中營,公開新人物,招式,故事
官網成個人物招式睇都唔知睇左幾多次
我呢家只係有一個希望,LFO可以整隻單機版上架Steam
得閒可以玩兩下就心足
(角色方面希望有得選返邊個版本就最好)
第時傳教比個仔,比佢玩都好