殺蟲水
搵邊個﹖阿蟲介紹我黎架！(雷達殺蟲水)
月黑風高殺蟲夜，黑旋風忍者為民除害。唔使用劍o既…用黑旋風就得喇！黑旋風夠晒威，黑旋風的確好使 (黑旋風殺蟲水)
來來！(日本女仔孖辮豎起大叫，來來"蟑螂"屋)
清潔用品
威潔三十三 洗多好多衫
獅王潔白物語 潔白力更強
萬潔靈，萬潔靈，乾淨乾淨好乾淨！(唱出)
碧麗朱，噴噴~~抹抹~~ (嬌俏小師奶邊抹邊載歌載舞)
乜妳老公D底褲黃咁咁架﹖妳點知架﹖妳浪曬出黎嘛！(某變態洗衣粉)
老闆，唔該俾支金寶'lok'水！……係啦！係金寶'lok'水啦！(by靚靚菲傭)
認住金寶鐘，清潔好輕鬆 (同一靚靚菲傭)
齊齊洗碗用AXE 家家開心好鐘意
我朱咪咪保證，金威xx(洗髮水/沐浴露/洗衣粉/衣物柔順濟…等)真係又平又靚，千祈唔好買錯呀！！(from宣傳易)
個仔話我隻手鞋拾拾喎！(紅/藍威寶)
唔洗刷﹖圍裙都除得啦！(暇癖潔廁液)
請用林文煙花露水
洗頭水/沐浴露
我乜都貪，貪靚囉！靚喎，你唔想咩﹖(by鄭裕玲，Head and Shoulder洗頭水)
用普通洗頭水呢邊仲有好多頭皮， 用head & shoulders呢邊就冇晒頭皮喇！
頭皮﹖(望一望膊頭，然後自信地) No Way！(by張德培，Rejoice洗頭水)
想奇蹟出現﹖就要自動自覺喇！(by周慧敏，詩芬洗頭水.)
請問你用開邊隻牌子o既沐浴露呢﹖(某沐浴露，成日扮o係街訪問，個個都滿面笑容答︰「梗係xxx沐浴露」)
口腔清潔
獅王牙膏，咸得有道理！(by張國強)
Yo！睇牙醫，駛乜驚呀！(by高露潔牙膏)
細路！牙蟲村~~~係邊度呀﹖我以後都唔敢唔刷牙啦。(獅王兒童牙膏)
保持距離好D！(李斯德林漱口水)
充滿信心，有衝勁，待人接物，至真誠。贏得芳心，贏得尊敬。早晚一次美加淨，生活美滿更~~溫~~馨。(一唱到"更"果時就開始慢幾拍) 跟住就睇見枝牙刷跌落個浪口盅度"登"一聲咁完喇。女主角係樊亦敏。) (美加淨)
食油
紅姑︰煮"食送"最緊要手勢好。
桃姐︰唔係姐，我話最緊要鑊氣夠！
紅姑︰鑊氣就梗要有啦，不過都要識用油至得。
桃姐︰油好多人都識用，不過未必抵呢。
(獨白︰用紅桃花生油，既好食，又抵用)
紅姑︰紅姑，
桃姐︰桃姐，
紅姑+桃姐︰都係咁話！！
(媽媽盛讚刀嘜好)
姐︰HI！比你最靚o個隻花生油我丫！
妹︰太太你指o既﹐梗係刀嘜勒！佢煮送好好味架！
姐︰我知丫，仲好香添！
妹︰用刀嘜花生油，人人都會話你係好媽媽唧！
(全賴刀嘜添美味，媽媽一切為你)
姐︰你係我地o既好媽媽
媽︰咁口乖，邊個教你架﹖
妹︰(嬌嗲地)媽咪……
(刀嘜花生油)
我真係好掛住媽咪呀… (by露營肥仔，刀嘜花生油)
始終都係媽媽好 (by細路仔，刀嘜花生油)
買金要買千足金，花生油就要揀紅燈 (紅燈特級花生油)
駱駝嘜有四得 (駱駝嘜生油)
調味料 我要搽香腸！(by葉蘊儀，李錦記蜜汁叉燒醬)
絕對冇加味精架！(by沈殿霞打低味精小子，金蘭生抽豉油)
米 為兩餐，袋鼠絲苗人人0岩
(露台上) 兒子︰爸爸﹐你話個海有幾深丫啦﹖
爸爸︰咪好似媽媽愛你咁深囉！(by香港某絲苗米)
爹Ｄ、媽咪、babe，呢個快樂家庭三合一。有魚、有肉、有菜，豐富晚餐三合一。泰國、中國、澳洲，三和水晶三合一。(三和米)
金冠真靚咯！
番屋企o也飯 (金冠米 )
D錢咁皺﹐ 點洗呀﹖燙過燙過！係！(by盧David飾演大少)
新鮮﹖新鮮！Yes Mom！(by Maryann，金象泰國香米)
紅A
掟唔爛，Dum唔扁喎！仲可以當凳仔坐落雨都唔怕入水！紅A書o急真係實淨又好用，仲有人名牌，包唔會搞錯，小學一至三年級用中碼，三至六年級同中學用大碼。(紅A書o急，星光實業公司出品)
師奶甲︰老闆﹐乜個桶用兩用就爛左﹖
老闆︰啊，雜嘜貨，冇得換。
師奶乙︰老闆，唔該比個紅A膠桶我呀。
老闆︰師奶，你真識貨。(老闆即席示範用個搥打個紅A桶)你睇，咁都唔爛。
師奶甲︰呀，咁我都要買紅Ａ膠桶囉。
(紅A產品，靠得住！)
電芯
勁量！渾身是勁！(勁量電芯)
咁長﹖唔係，係咁~~~~~~~(手一直伸長)長呀！(勁量電芯)
染髮用品
乜咁煩呀，白頭髮﹖你又係呀﹖搽左d咩呀﹖黃禁禁咁既﹖學我啦！梳D美源髮彩，逐漸變黑又得，立即變黑哂亦得。得左！美源髮彩，冇得彈！(by曾江，美源髮彩)
恭喜發財，美源髮彩恭喜大家發財。(同類型拜年廣告一大堆)
(三位國產少女載歌載舞)(唱︰)微風中輕飄，陽光下閃爍，幻變添神彩 (獨白)︰多謝美源，多謝美源幻彩！
保鮮
要食物夠新鮮要包得佢實，包得…包得…包得… (包得保鮮紙)
淘氏密實袋，保鮮儲物，密密實實。
黃加藍變綠，掂左！(佳能變色密實袋)
床褥
用斯林百蘭床褥，托得你好舒服
我好懶訓架。(by袁靚靚，海馬床褥)
女性用品
多謝家姐~~~ (有高分子聚合體o既樂而雅衛生巾)
起身，坐低﹔起身，坐低… (by楊錚，護舒寶)
女人吾補好易老架！ (某補品)
其他
我老公，佢有用 (by活麗明，罔本安全套)
駱駝漆，環油全港！油高樓，油低樓，油乜都會都會一流(一流) 油出街，油出海，油乜都會都會一流(一流) 顏色多，油質好，油乜都有呢個嘜頭。 (因為駱駝漆，油乜都一流)
務求滕出地方迎接新貨抵港，想用特別平o既價錢，買到名貴歐化傢俬，就要把握機會喇，一年一次架咋 (歐化傢俬)
