|
8月15日,6點45出門ロ,搭A12去機場,今次去日本又 係跟東瀛,今次比較特別,導遊+領隊合體,坐cx506去 關西,成程機勁玩nds,冇訓,好了,廢話說完,入正題 關西空港比我一個感覺就係[女人機場],係接機果到 D牆以粉紅色為主,無奈! 去到道頓掘,當然要食大板名物[赤鬼小丸子],真係正 到暈,晚飯比較差了一點,食中華定食料理,夜晚去左 洒店附近既city walk行街,食左一杯牛乳味雪糕 去環球影城,熱到叫媽媽,37度,攞命,跟住屋企人去玩 蜘蛛俠,排左2個幾鐘先入到場,又唔係太好玩,跟住去 睇真人show,有爆炸場面,正 第三日去埋大板城,跟住搭新幹線去京都,去清水寺, 又係一個字-熱,跟住就要坐3個鐘頭車去浜名湖,最 黑仔就係坐坐下車冷氣壞左,熱足個幾鐘,唉 洒店房既主題竟然係Hello Kitty,姣爆 第四日架車既冷氣原本搞好,上晒行李又壞!今日坐車 多過行,去Outlet市場,戰利品-nike袋一個,又坐足 兩個幾鐘頭車去箱根遊湖10分鐘,又坐車 去觀音寺,最令我感興趣就行罐裝栗米湯, 又再坐車去富士山,上到山凍到痴肺,間 洒店超舊 第五日去富士急玩,無乜野好講 跟住又坐車落東京,去Hello Kitty land,只為去 Game center玩,又比我搵到太鼓街機,好玩 第六日去東京迪士尼玩,全日只係玩左2個遊戲 激流同巴斯光年,排隊都用晒D時間,唉 夜晚去左池袋行街,打左幾鋪機返洒店,最慘係 比表弟用手吉肚臍 最後一日去新宿行街 回程都唔知條友係咪唔識揸飛機(唔好諗歪),降 落果下非常差 謎之聲:你咁叻你去揸丫 最勁係兩件去八件返 相過幾日補上 [ ~8855~在2007-08-27 17:35重新編輯此帖 ]
|