為了更能表達慘痛之處...我用口語表示...
話說呢幾日澳門有書展喎
琴日我家姐就去左睇
番黎之後同我講有一本我可能鐘意睇既書(內容都係關於一D槍啊之類)
我下午就去睇啦,點知搵左成個鐘都冇喎
咁咪走囉,但是我家姐又話如果比佢搵一定搵到
咁我食完夜晚戈餐之後,我家姐就同我一齊去搵啦
然後去到書展,某攤位上面有個空位,之後我家姐同我講:無記錯就係呢個位...
之後又搵左幾搵都搵唔到
但是突然肚痛-.-(仲要超痛戈隻)
感覺上我個肚好似扭曲再收緊咁-.-
之後會場有廁所我當然去啦,點知打開個廁格,無廁紙,之後我全部廁格打開哂,哈哈哈,全部冇廁紙~!
咁算啦0,0,去我屋企附近既M記去廁所算,辛辛苦苦到左M記,去到男廁點知得兩個廁格(裝潢之前多好多囉-.-)
仲要兩邊都有人(應該係個阿叔)
我等...我等...我等...等極都唔出黎
差唔多9分鐘,個阿叔無啦啦扔左包用哂既紙巾出黎,我●!!!心入面自已諗:可能佢有D特別嗜好,唔用廁紙呢..)
等多一陣個阿叔出左黎,入面真係無廁紙-_-!!!
結果我唔等啦!番屋企算,去到樓下,
兩部升降機,一部24樓,第二部,都係24樓!
我!@#$%^&*
痛左差唔多半個鐘終於番到屋企解決左-__-"
[ 陸道在2009-04-05 10:30重新編輯此帖 ]